吳雨霏瞓身冰水 震住扮優雅

Kary加盟環球後獲公司力谷上位，愈見人氣的她工作排至密麻麻，日前她為新歌《海枯石爛》拍MV，但要先完成日間的工作，晚上便撲去片廠開工，辛苦不已。為了配合MV內容，導演在片廠搭了一個水池，Kary就化身水中仙子，穿上吊帶長裙，增添成熟女人味，一改之前的rock女風格，令人耳目一新。

硬着頭皮拍MV

由於在水池拍攝，Kary也預了要濕身，不過當日天氣轉寒，她本以為導演會貼心準備暖水，怎料正式拍攝時才知是一池凍水，Kary惟有硬着頭皮拍攝，她說：「開頭導演只係叫我用手、腳掂吓啲水，拍拍吓佢話想效果好啲，就叫我成個人瞓喺水入面，工作人員已經即刻煲熱水加入水池，不過因為趕時間拍，啲水都係唔夠熱。」

一上水工作人員便以風筒為Kary暖身。	Kary躺在凍水中，難為她還要扮優雅。	今次MV特地搭了一個水池以營造氣氛。

結果，Kary惟有頂硬上瞓在水中，不但要拍咪嘴唱歌鏡頭，還要擺出優雅甫士，事實上卻是凍到全身發抖，導演一停機，工作人員即用風筒狂吹幫她暖身，又築人肉圍牆幫她取暖，扮演仙女的Kary笑說：「今次真係『欲仙欲死』，好在平日自己有做開運動至冇病倒，但助手同工作人員都凍到病。」

此外，Kary的歌曲《我本人》MV在YouTube總點擊率已逾百萬，加埋其他新歌MV，總點擊率已逾百萬，令她十分振奮：「希望大家都鍾意《海枯石爛》呢首MV，我真係瞓身兼濕身演出o架。」