謝天華MK造勢掂過碌蔗
謝天華及歐陽靖（MC Jin）等前晚到旺角街頭為電影《Laughing Gor之潛罪犯》謝票及造勢，眾人更向途人大派甘蔗，寓意電影能「掂過碌蔗」，除了成功吸引近百人圍觀外，連狗仔都向MC Jin「索蔗」。
電影上映一周即錄得四、五百萬票房，並是同檔期中唯一一部港產片，謝天華笑言：「可以證明觀眾係支持港產片，今次派蔗除咗希望套戲『掂過碌蔗』之外，亦希望港人可以重拾以前咬住碌蔗入戲院嘅回憶！」對於同片的演員吳鎮宇未有出席這次宣傳活動，天華就幫口說：「佢係大忙人，我相信佢有時間都會嚟！（搵性感女郎嚟做宣傳？）我怕冷親佢哋！」同時天華透露近期正忙於拍劇，於新年後亦會北上搵真銀，非常忙碌。
MC Jin 認成日去蒲
而MC Jin亦為指他背妻溝女的報道「解畫」，MC Jin稱該批為陳年舊照，他謂：「我影相一向都好親民o架啦，我初嚟香港時的確係成日都去蘭桂坊玩，因為我識嗰度啲DJ！」問他有否試過「一夜情」？他即笑言記者問得直接，不過就未有表態，只謂：「後生仔個個都會去玩，依家冇去玩啦。」對於報道指其太太懷有兩個月身孕，他謂：「唔講得o架喎，順其自然啦。」
文：影視組