楊汀叮大開食戒

模特兒楊汀叮早前與好友到台灣吃喝玩樂，每年總會遊台一次的她，一如以往四出品嘗美食外，目的是欣賞蔡健雅及田馥甄（Hebe）的演唱會。

落機即睇騷

今次睇騷汀叮感受到台灣人的斯文：「佢哋就算幾投入，都唔會亂咁嘈同揮動螢光牌，會等到唱完首歌先歡呼，好用心去欣賞，氣氛好好。」因抵埗當晚便睇騷，故演唱會期間一度有打瞌睡及窒息的感覺，她大嘆以後也不會如此，免得「無福消受」。

在台四天，汀叮本計劃到平溪放天燈、到九份及陽明山等地看風景，最終因下雨被迫取消，主打節目變成行街shopping、歎咖啡食嘢。

特色又抵食

自封美食家的汀叮，還抽空到周杰倫與劉謙新開的西餐廳「朝聖」：「我去過Jay間意大利餐廳食嘢，好好食，咪再去新餐廳度試咯，嗰度好靚、樓底好高，除咗以魔術做主題好特別外，現場仲有live band。（價錢貴？）只係百零蚊一個人，好抵。間餐廳仲有蝙蝠車同電單車任啲食客影相留念，好特別。」

不過日日食足五餐，汀叮增磅不少，回港後要清茶淡飯數星期消脂呢！

文：影視組