歌手小肥入行五、六年來一直單身，因為有工作填補，他直言不感寂寞：「好彩大時大節都會有工作，所以好啲囉。我人緣都唔錯，所以都有朋友陪。（這幾年可有喜歡對象？）有嘅，可惜我一直暗戀到人哋有男朋友。（你咁唔積極？）係，我從來唔積極，好退縮。」
小肥自爆幾年來也有女生做主動：「好可惜佢唔係我杯茶！（你唔拍拖會唔會影響唱歌感情？）拍拖的確對唱歌有幫助，因為係人生經歷，可以幫助寫歌。」小肥不忘介紹自己新歌《還未睡》，講述失戀故事，瞓唔着到天光，不過並不負面。
