無綫高層樂易玲對於有指林保怡覺得無綫冷待他主唱的劇集《天與地》片尾歌《年少無知》，她昨日在電話中回應說：「佢可能唔清楚，TVB會全面催谷，公司好支持《天與地》兩首歌，最初搵黃貫中作曲大家已有共識，等劇集用完啲歌就可以畀佢用，呢點大家都同意嘅，依家仲搵緊唱片公司出劇集雜錦碟。」
《年少無知》雖然唱到街知巷聞，但卻冇份角逐「勁歌金曲頒獎禮」獎項，樂易玲則解釋是按「勁歌」的評選機制進行。她亦指TVB無意安排《年少無知》在頒獎禮上作特別表演，因頒獎禮時間緊迫。
