(17)馮虞軒拋胸喪跳 (18)王家敏喊住閃
應屆候選亞姐昨日排舞，韓國代表童顏(1)洪利朱以性感吊帶背心上陣，俯身喪扭「峰」殺全場！向來新聞多多的(18)王家敏雖密實，但因聲稱父親心臟病發而喊住離場，成功搶回視線！
昨日一眾亞姐齊集排舞，多位佳麗被指素顏嚇人後均薄施脂粉上陣，不少佳麗更穿性感裝束暗中較勁，期間(18)王家敏突聲稱父親心臟病復發而喊住離場，個多小時後她趕返時透露剛往醫院探望父親，心情大受打擊，問到會否怕被指借勢搶鏡？她說：「唔會啦！我好少講家事。（再畀人話獨孤精？）我同幾個海外佳麗好啱傾，都喺外國讀書，只係同馮虞軒冇兩句。（點解咁唔夾？）佢講嘢好掘，我就斯文啲。」而(17)馮虞軒見「死敵」王家敏不在場時，即風騷烏身晒事業線。
洪利朱謙封熱門
全程甜笑兼大騷身材的洪利朱雖已30歲，但比起其他佳麗似乎更後生，對於甫上場即被封大熱，她謙稱未必可贏出，並表示與同房的馬來西亞(7)劉煥妍最老友，因對方懂多國語言可做翻譯，劉煥妍說：「我嚟過香港4次，可以帶其他佳麗周圍食。」
對於被指素顏醜爆，(15)梁樂思解釋：「嗰幾日唔夠瞓又唔舒服，塊臉浮腫啲，平時冇人話我，反而有讚我唔化妝幾靚。」自信心爆棚的(6)裘林亦自覺素顏一樣靚，18歲的她對皮膚分外有信心，並讚洪利朱保養得宜。此外，《亞洲小姐大中華總決賽》廣管局收到兩宗投訴包括公布結果方式殘忍以及其中一個環節有虐待動物之嫌。
文：影視組