徐子珊太用心 欠缺自我
談到公仔箱的當紮小生花旦，鎮宇點名稱讚徐子珊及黃宗澤（Bosco）。鎮宇與子珊在電影《Laughing Gor之潛罪犯》不乏對手戲，雖然他讚對方努力，但缺點是過分用心。他謂：「我絕對唔贊成咁畀心機，尤其演戲畀心機係冇用！搵到自己獨特性好啲。要創造角色，背劇本只係將喜怒哀樂發揮。不過新進嚟講子珊都OK嘅，今次佢可能以電視角色行先，太過專注咗。佢唔係唔識，但若果再多元化會好玩啲。」
當年S4成員Bosco及吳卓羲，鎮宇指Bosco演反派很突出，睇好對方可成大器：「佢之前同姜大偉套劇我都有睇，反而《潛行狙擊》就未睇，希望佢得，不過呢啲嘢都要講命！至於卓羲……依家乖乖哋咪好，始終經歷太多，大個仔嘞！」