胡杏兒對於吳鎮宇公開為她平反，日前接受電話訪問時難掩興奮，她笑言有如釋重負的感覺。問到當年鎮宇是否一位嚴師？杏兒謂：「佢絕對係我師傅，記得當年成班都係新人，一舊飯咁咩都唔識。鎮宇係有話我哋，但都係想件事好，並唔係真係鬧嗰隻。（咁佢拍你膊頭做咩喊？）因為壓力太大，同鎮宇又多對手戲，好多嘢加埋。印象中只係喺廠門口喊過一次，不過當時對話內容係咩就唔係好記得。」