李彩華人前怕醜背後晒溫馨
李彩華昨日元旦到apm出席活動，早前她有份演出的內地劇《回家的誘惑》反應熱烈，令她身價暴升。問到會否回港拍劇？她說：「機會好細，之後喺大陸仲會拍兩套劇，工作已經排到年中。（買樓？）會喺香港買，都睇中咗個值八位數字嘅樓，想換畀媽咪住。」
另外，前晚除夕，身穿吊帶性感戰衣的李彩華，拖實金融才俊男友潘啟翀（Derek）到蘭桂坊狂歡，不過Derek發現有記者時即怕醜彈開，李彩華尷尬笑說:「唔好影啦，新年快樂！（好事近？）未有咁快。」問到內地劇酬是否廿萬一集？她笑謂：「差唔多啦！」雖然二人對鏡頭甚為敏感，李彩華仍大方將與男友的合照上載到facebook。二人面貼面共咀一粒棉花糖，認真甜到漏。