黃婉曼預報經濟轉好人人幸福
新年快樂！踏入2012，大家都趁機定下新目標、祝福及許願。玩具大王蔡志明兒子蔡加讚希望家族生意發展順利，前「天氣女郎」黃婉曼則宏觀希望歐洲經濟好轉及新特首體恤民情，人人生活幸福！
apm活動
黃婉曼：買理想家居
一個目標：做到有口碑嘅好節目，令自己同觀眾都有所得着。
兩個祝福：每個香港人都能夠實現自己嘅目標，好似買樓、結婚、家庭團聚、升職等；地球上受苦難嘅人能夠減少痛苦同無助。
三個願望：歐洲經濟好轉，唔好拖累香港太多；新特首體恤民情，真正為民請命；買到理想家居，等爸爸媽媽生活舒適。
松岡李那：講好廣東話
一個目標：講好啲廣東話同普通話，對我嘅工作有幫助。
兩個祝福：所有事都比上一年好、身體健康。
三個願望：接多啲內地工作、出個人大碟、開小型個唱。
平安夜派對
蔡加讚：開心拍拖
一個目標：2012年喜運佳全亞洲開十間。
兩個祝福：屋企人身體健康；全香港人開開心心。
三個願望：公司生意蒸蒸日上、同女友汪圓圓拍拖開心、世界和平。
蔡加頌：仔女孝順
一個目標：2012年公司成為七人車銷量最勁的車行。
兩個祝福：父母和蔡生蔡太（蔡志明伉儷）身體健康，快快樂樂；自己的小朋友快高長大。
三個願望：「極速汽車」成為最大規模的汽車集團、兩子女長大後成為成功人士孝順父母、家庭快樂融洽。
平安夜派對
馬詩慧：家庭和諧
一個目標：維持家庭和諧，要keep住都幾難o架，尤其當小朋友長大有自己嘅思想，未必會認同我哋嗰一套。
兩個祝福：世界和平經濟穩定，同埋全世界嘅人都生活安定。
三個願望：家人身體健康、時常保持心境開朗、工作上有新嘗試，如Modelling以外其他範疇。
女童軍95周年活動
朱紫嬈：開演唱會
一個目標：再開一個大型啲嘅演唱會，目標係千幾人。
兩個祝福：大家搵多啲錢、身體健康。
三個願望：開演唱會、寫多啲好歌、大家留意多啲我嘅音樂。
慈善活動
李桂蘭：食少啲肉
一個目標：我今年目標係少肉，睇完個女嘅食素紀錄片後，覺得食肉既唔環保又唔健康。
兩個祝福：世界和平同經濟好轉；所有人開心過活。
三個願望：同四個仔女多啲見面！因為除咗大仔，其餘三個都喺外國生活，所以每年生日都希望一家人齊齊整整；啲仔女快啲結婚生仔；多啲人做義工同善事，幫助世上有需要嘅人！
戴尚安：全人向善
一個目標：透過自己製作嘅紀錄片令多啲人當義工或做善事。
兩個祝福：父母身體健康、人人快快樂樂。
三個願望：世界和平、大家有錢出錢有力出力做慈善、製作不同性質的紀錄片。