周麗淇掏腰包慰勞添哥
周麗淇（Niki）與黃浩然主演新劇雖然收視平平，但贏得不少口碑，前晚兩位主角自掏腰包，設宴慰勞台前幕後，就連之前盛傳不滿新劇被安排於PK檔播放的李添勝亦有出席。
周麗淇與黃浩然前晚在銅鑼灣設宴，慰勞新劇《我的如意狼君》台前幕後，監製李添勝、演員姚子羚、葉翠翠及龔嘉欣等均有出席。由於劇集撞正PK（炮灰）檔，收視一直徘徊廿五至廿六點，添哥曾為此大動肝火，炮轟未受無綫重視，不過前晚他仍畀面出席慰勞宴。
添哥笑言並非激氣，不過卻語帶晦氣說：「小問題嚟啫，呢啲檔期實係少人睇，聖誕、農曆新年同復活節都係少人睇，實有節目要出街架，揀中我咪揀中我咯，幾十年都食過好多次啦！」
望結局破三十點
面對PK檔衝擊，Niki與黃浩然仍對於明日（周一）播放的大結局收視充滿信心，二人齊聲希望收視可衝破三十點，Niki說：「添哥話呢個檔期係『擇使』啲，但唔緊要，成日聽到有觀眾講劇情，最緊要口碑好，多人睇。」Niki又力撐添哥向來是直腸直肚之人。
至於黃浩然則認為檔期安排不是演員能控制的事：「添哥係咪忟我唔知，好在呢套劇反應都好好，自己都好開心。」
文：影視組