Evelyn Tom忙不了碰面唔尷尬

今年初香港將舉行時裝界盛事，大批o靚模如Anjaylia、Evelyn、盧頌之、DaDa、「混血E神」林宜芝（Monna）等將於本月七日雲集亞洲國際博覽館，為港版TGC時裝騷「女生天下」行貓步。除了本地o靚模參與外，更邀得日本模特兒如清穗久美子、久保杏奈、田代麻衣等撐場，期間更有樂隊Mr.和吳雨霏等表演，陣容鼎盛。

開心參與着靚衫

Anjaylia、Evelyn和盧頌之日前為時裝騷試戰衣，三女非常重視，期間細心研究戰衣。她們表示有份參與感開心，因為可以着很多靚衫。提到當日Mr.任表演嘉賓，問Evelyn與Mr.鼓手舊愛Tom碰面會否尷尬？她謂︰「我哋係朋友，加上大家都係工作，點會尷尬？」問會否於後台見面？她說︰「當日大家都好忙，未知有冇機會見面，總知我會盡力做好自己，其他嘢再算啦。」

Tom	左起：盧頌之、陳嘉寶及Evelyn見到大批靚衫非常雀躍。

DaDa搵高人教路

此外，有份行騷的DaDa早前亦率領一眾師妹請教名模趙嘉懿行騷技巧，為時裝騷作最後準備。趙嘉懿點名大讚DaDa和Monna是可造之材。雖然DaDa早前已於日本行過TGC騷，但她仍擔心當日行騷時會跌倒︰「我比較論盡，驚會仆低。雖然之前有經驗，但嗰時都係即刻搵當地model補鐘，所以有啲擔心。」

趙嘉懿（右）細心指導o靚模行貓步。

DaDa自認論盡，驚行騷時會出洋相。

文︰專案組　攝︰沈健程、潘琳