Eric：冥冥中有注定
鋒芝離婚後突傳復合，身邊的好友均驚訝表示不知情，曾請霆鋒在其Swing告別演唱會上擔任「牧師」主持結婚儀式的郭偉亮（Eric），昨在電話中表示：「我唔知佢哋（鋒芝）復合喎，係你講我先知呢個消息，（戥佢哋開心？）冥冥中有注定嘅，如果係真都係開心事。」他補充說會致電問身在內地工作的霆鋒了解。栢芝好友葉佩雯說：「作為佢哋嘅朋友，只想佢哋開心，如果真係復合，當然替佢哋開心。」
至於昨晚在澳門做騷的梁漢文（Edmond）同樣表現愕然，自言未看報紙亦未收到消息，問他可戥兩人高興？Edmond表示沒特別意見，兩人已是成年人，會懂得處理自己的將來幸福。
與霆鋒分屬友好的伍允龍表示：「無聽過鋒芝復合，之前我一直喺內地拍戲，同霆鋒都有一排無聯絡喇。（打畀佢求證？）唔會特登問。（贊唔贊成鋒芝復合？）因為我唔知詳情，所以唔回應喇。」
