拉姑V手洩喜：好開心
鋒芝傳重修舊好，最開心的莫過於兩人的母親！身為霆鋒母親的拉姑昨晚心情大靚，更趁除夕夜與老公鬍鬚KONG約九時於中環行街拍拖，即使見到記者被追問鋒芝復合一事也笑笑口說：「今日唔講呢啲嘢，（鋒芝復合係咪好開心？）咩都開心，日日都好開心。（佢哋進展如何？）唔知呀，不過見到佢哋身為嗲哋媽咪，對兩個仔咁好就開心喇。」提到是否經常見到一對孫兒，拉姑興奮得高舉V字勝利手勢說：「成日都見到呀，佢兩個不知幾好玩，又得意。」
至於栢芝媽對鋒芝復合一事表示不清楚，但不會過問女兒的感情事，她說：「我唔知亦都冇過問，（唔關心女兒感情事？）我唔方便問，佢哋都咁大個人，（覺得復合係咪好事？）我唔識答，費事講錯嘢！」