霆鋒：佢始終係兩個仔嘅媽咪
踏入2012年，離婚不足半年的鋒芝驚爆復合，日前秘密回港帶同栢芝、Lucas見風水師的照片曝光後，霆鋒昨晨即起程返回內地，當本報記者問到與栢芝復合，他認真地說：「佢始終係兩個仔嘅媽咪！」而其好友更在微博透露離婚後的霆鋒依然深愛妻子，令復合之說更愈傳愈熱！
結婚5年的鋒芝雖然離婚收場，但因兩人共同管養兒子Lucas和Quintus，加上兩人均經歷父母離異，一直不想兒子步其後塵。據知，兩人冷靜過後，反而變得容易相處，昔日愛得轟烈的他們，都願意嘗試再接受對方，昨日本報獨家披露一張鋒芝帶同Lucas跟風水師好友Mike的合照，更洩露了這對離婚夫婦復合的玄機。
扮失憶玩口不對心
鋒芝與大仔上月29日跟Mike相聚後，霆鋒昨日已飛武漢做騷抓銀。昨早近10時離開金鐘寓所的霆鋒，睡眼惺忪地見到守候的本報記者時主動揮手，心情不俗，問他是否跟栢芝關係好轉？霆鋒還影帝上身玩口不對心：「我哋不嬲都咁差！」記者愕然反問：「唔係啩？你哋一家三口前日同風水師合照喎！」霆鋒即拍拍記者膊頭，扮失憶說：「我好眼瞓。」企圖講反話，低調處理事件。
之後霆鋒坐保母車入機場，記者再追問跟栢芝復合傳聞：「你頭先話『差』，係咪玩我？」霆鋒抵死說：「新年係咪想開你齋？」估計難抵記者死纏難打，霆鋒終露口風說：「咁佢始終係兩個仔嘅媽咪，點都會見，我就係會講咁多。」霆鋒又稱跟風水師朋友只是趁新年前見面，問他是否約了栢芝一齊？他避答：「見到咪見囉，我真係唔知佢（Mike）擺合照上網，算啦，唔嬲得咁多。」
雖然霆鋒不想多講，但直認母親狄波拉多了機會見孫仔，默認栢芝開綠燈，他說：「尋晚去咗媽咪度，咪見吓阿媽同啲囝囝。」霆鋒經常離港工作，問驚唔驚兒子唔肯黐他？霆鋒得戚說：「黐架。（佢兩個有冇百厭？）都唔百厭。」
選唱《因為愛所以愛》
此外，霆鋒昨晚到武漢做跨年騷，選唱《因為愛所以愛》十分應景，對於2012年，他玩神秘說：「很多東西想做還沒做，都在籌備當中。」司儀要他選一個最愛的人做新年告白，霆鋒表示沒法選一個：「兒子有兩個，我希望他們活得比我好。」
雖然霆鋒對復合不置可否，但風水師好友Mike卻「出賣」了他，據知兩人私交甚篤，霆鋒不但搵Mike替其製作公司睇風水，還向他傾訴心事，去年7月鋒芝婚變傳得鬧哄哄時，Mike曾在微博踢爆好友：「謝先生到現時這刻都掛在唇邊：『永遠愛她，心中只有她，無可取替』。」而日前Mike跟鋒芝聚會後又留言：「相愛的人不會因為一句分手而結束……相愛的人會在感情的曲折裏一起成長……懂得對方的好，不會再分開。」似暗喻鋒芝復合在望！
文：音樂組 攝：追蹤組