樂園歡度佳節 妙芝兩子晚晚等老鼠
名模歐陽妙芝早前藉着假期，帶同大仔方玉丞及細仔方玉亨到迪士尼玩足三日兩夜，全家玩得興高采烈，惟美中不足是她卻病足兩星期，妙芝說：「我因為感冒，病到連聲都開唔到，睇咗三次醫生，依家好番啲。」
妙芝表示兩子在迪士尼玩到忘形，她說：「佢哋玩咗三日，離開時就問幾時再去，佢哋好鍾意玩最新嘅彈彈狗，玩咗六次都唔厭，不過最開心都係住酒店，一到夜晚可以見到着睡衣嘅米奇同米妮，佢哋會同小朋友講『good night』，囝囝晚晚都要等佢哋嚟先肯瞓。」
妙芝繼又透露細仔十分有跳舞天分，她說：「佢好鍾意跳舞，成日開youtube啲跳舞歌跟住跳，跟足每一次動作，就算難度高嘅動作，佢亦可以跟到，我都估唔到佢跳得咁好。」