姚子羚恨做媽媽 先生後嫁

姚子羚在劇集《我的如意狼君》有令人眼前一亮的演出，雖然劇集收視平平，但坊間對姚子羚卻讚不絕口，姚子羚也覺得《我的如意狼君》是她拍劇以來的一個轉捩點，觀眾對她留下印象，角色也是至今最滿意的一個，她說：「其實個角色有啲似自己嘅，都係外冷內熱，所以演繹起嚟會自如好多，添哥選角係有佢嘅眼光。」姚子羚在劇中為愛黃浩然不惜一切，但後來才發覺所愛的人卻是全心欺騙她，她說：「以前都試過特登做一啲嘢氹另一半開心，好似夜麻麻喺廚房煲竹蔗茅根，只係想佢開心。」

唔排除閃婚

現時單身的姚子羚早前在呂慧儀婚禮上搶得花球，她又可心急嫁人﹖姚子羚笑說：「我反而想生BB多過結婚喎，女仔生BB有生理嘅限制，我好鍾意小朋友，唔一定要結咗婚先生仔，亦唔排除自己會閃婚，不過，依家就未想嫁住，都未遇到個好啱嘅人。」姚子羚坦言現在也有追求者，但還在觀望階段，她說：「依家遇到嘅多數都係年紀細過我嘅，自己希望另一半年紀大過我，有一定人生經驗先會識得照顧人，期待緊真命天子出現。」

現時單身的姚子羚期待如意郎君出現。

姚子羚與黃浩然在《我的如意狼君》 合作愉快。

因壓力變瘦

另外，姚子羚剛拍完《造王者》，戲裏與黎耀祥對手戲多多，因壓力體形愈來愈瘦，她說：「呢啲壓力係自己畀自己嘅，希望可以做得好啲，自己都有請祥仔畀意見，好多謝佢嘅指導，今次學到好多嘢。」

採訪：影視組

攝影：劉智源

場地：EL CID 西班牙餐廳