貝安琪開舖吸妝款
屬貪靚一族的名模貝安琪（Ankie）自言平時愛拿起化妝筆替朋友扮靚，更有身邊朋友結婚時找她化妝，令她更有信心開化妝店，實行教人化妝賺多筆。
名模Ankie細細個已經研究不同類型的化妝品，並已考獲化妝牌，早前更獲邀擔任德國著名化妝品牌的代言人，寓工作於娛樂。她表示經常跟這個化妝品牌的化妝師分享心得，藉此吸收更多的化妝知識，她說︰「自己以前去德國都有留意呢個化妝品牌，今次獲邀做代言人梗係開心啦。而且佢哋會教每季應該化個咩妝，畀一啲專業意見我。」
濃妝難接受
除替自己化妝外，Ankie笑言曾拿母親劉香萍作為試驗品︰「之前有幫媽咪化過一次妝，記得嗰時為同佢畫一幅畫，所以我幫佢化咗一個好濃嘅妝，開頭佢有少少接受唔到，但之後我同佢講個作品獲好評，拎咗個A，佢之後好開心。」這個作品令Ankie對進軍化妝界打了強心針，她透露身邊朋友結婚亦有邀請她幫手化靚妝。
對於在朋友圈子中她的化妝技術略有名氣，Ankie直言十分開心，問會否創業開化妝店闖入化妝界？她說︰「之前冇特別去諗過，因為未有時間諗呢方面嘅嘢，但依家有呢個打算，如果有機會都可以諗吓，因為呢個係我嘅興趣，希望之後可以開番間屬於自己嘅化妝店。」
攝：黎志輝 髮型：James Lee@May's
化妝：諺瞳.小白@May's 化妝贊助：KRYOLAN
服裝：ABoutique
造型：karlhuikaho@yahoo.com.hk
文︰專案組