BOYZ再合體 愈嚟愈合拍
男子組合BOYZ最近接受《娛樂on Show》的主持余詠文與周吉佩的訪問，今次剖白兩人關係，由組合BOYZ到拆夥個別發展，直至最近再合夥推出專輯，他們坦言大家的關係更合拍。
在節目開始提到今次找張敬軒幫手作新歌，余詠文（Angela）已搬出關智斌（Kenny）的緋聞好友張敬軒，笑問張致恒（Steven）今次新碟的貢獻，Steven笑言﹕「呢個係屬於大家嘅《張氏情歌》，我都有份架﹗」Angela笑指兩人與軒仔friend，似「撳住搶」，Steven則解釋大家當年是同期新人，交情好，自然會找對方幫忙。
效法日韓組合
問到兩人這次再度組合成BOYZ的原因，他們說：「日本時裝周搵咗世界各地嘅男子組合表演，佢哋唔知我哋拆夥，結果因此再次出現BOYZ，唔想唱番舊歌，因為日本、韓國男子組合好型，橫掂未必知道我哋嘅舊歌，索性搵軒仔作新歌。」
一向好少一齊出去玩，即使未拆夥，大家朋友圈子不同，傾偈的話題亦不同，雖然一直同公司，但從未單獨出街。Kenny搞笑地說：「我依家降低level同佢玩，但佢依家責任心強咗！」