早前幾位Chok之天使「吹波糖」白雲、「朱古力」陳芷尤及「波板糖」魏采彥，相約一班同性好友舉行睡衣派對，眾女穿上性感睡衣在室內騷胸又露腿，由大廳拍照拍到上大床，期間又玩遊戲及睇影碟，玩個不亦樂乎！陳芷尤表示眾女於今年中參選港姐後成為好友，雖然各有各忙，但仍不時舉行聚會，希望友誼可延續下去。至於魏采彥笑言是首次參加睡衣Party，感覺頗尷尬：「我哋有時會諗啲唔同主題去玩，今次着睡衣係比較私人，有啲尷尬，不過都幾特別、幾好玩！」