陳偉霆送按摩椅綁住阿媽
陳偉霆（William）短短兩個月接了逾六位數字的商演騷，他打算將酬勞全放在粉飾家居上，除房間變身成私人影院外，另再送一張按摩椅給「骨精」媽媽，免得她深港兩邊走，而下一個目標是買他第二間大屋。
William今年吸金力驚人，單是十一、十二月，已接了十個商演騷，聖誕節也要返內地登台。雖然未能和女友蔡卓妍過節，但努力賺來的逾六位數字的酬勞，足可以過一個「小肥年」。
睡房建小型影院
問到William可會買禮物獎勵自己？他透露打算將錢留作裝修家居之用，先重整睡房，設一小型影院，之後再裝修媽媽的睡房及客廳，他謂：「我好鍾意睇電影，但我又唔想喺廳睇，怕嘈住媽咪，惟有將房嘅一角改建為影像室。」
除裝修房間外，William亦準備送一張按摩椅給媽媽作新年禮物，省卻媽媽舟車勞頓往深圳按摩的時間，他說：「我唔想阿媽成日出去蒲，去深圳一來一回都好辛苦，咁咪諗住買張按摩椅畀佢囉。」雖然按摩椅動輒逾萬元一張，但他鬼馬的說：「我買梗係唔使咁貴啦，因為容祖兒係按摩椅代言人，我梗係搵佢攞番個『天后級抵價』先買啦。」
等時機再做業主
家住九龍塘的William，雖嫌現居不夠大，但從沒想過搬屋，皆因他視現址為風水屋，他又說：「我入行後就住喺呢度，覺得好旺我事業，所以我早前買咗樓，我都冇打算搬。」不過他仍計劃再置業，待時機一到，就會再出擊買第二個物業。
採訪：音樂組