王祖藍難忘馬國蝦子麵
王祖藍早前到馬來西亞演出《咪咁扮嘢演嘢會２》，除了有王媽媽陪足全程外，好友陳美詩(Macy)亦同行擔任表演嘉賓。前後逗留只有三天的祖藍，雖然行程緊密，但一行人依然甚有食福，Macy抽空品嘗當地著名的榴槤，而祖藍則對蝦子麵情有獨鍾：「好好味，佢個湯好犀利，用蝦殼同蝦子煲出嚟，好香濃。」
祖藍透露由於之前《獎門人》節目曾到馬來西亞拍攝，因而結識了不少好友，故此行可算是寓工作於娛樂：「佢哋好搞笑，同佢哋傾偈好relax，今次直頭好似探親咁開心。」祖藍指年尾會再到馬來西亞出席倒數活動，問到酬勞是否豐厚？他笑言：「ＯＫ啦，實際數字梗係唔話比你知啦。」