吳千語坐定定見大明星

影壇新星吳千語昨日為網站節目擔任嘉賓，鼓勵青少年追尋夢想，她表示：「我一直都希望可以拍戲，拍完第一部電影《開心魔法》之後就更加認定拍戲係我最大興趣，希望之後可以嘗試唔同嘅角色、接拍唔同電影作品。」首部電影能與吳尊合作，而第二套戲亦能與古天樂、吳君如等好戲之人合作，千語表示：「之前都係喺大銀幕見到佢哋做戲，依家可以近距離一齊演出，真係覺得自己好幸運、開心同埋有成功感！（片場變fans？）做嘢都係以專業嘅態度去面對，唔可以好似細路女咁周圍走！」