祖兒不滿炒緋聞 Eason驚跌死

容祖兒、陳奕迅、Twins、BOYZ、吳雨霏、謝安琪、鄧紫棋及張敬軒等數十得獎歌手單位前晚出席新城頒獎禮慶功宴，奪兩獎的何韻詩卻告缺席，選擇參與好友盧凱彤音樂會慶功宴。

祖兒在台上慘被大會玩緋聞擺上枱，在慶功宴上她暗寸謂：「搞氣氛不外乎玩緋聞，但依家唔Work，觀眾會覺得呢啲橋段唔新鮮。」有指她在聖誕節到訪阿詩寓所，祖兒說：「哎呀！去一個聖誕派對，答『冇』又唔想，答『有』又怕你哋做新聞。」

戴上黃色Con的Eason造型過癮，但卻大呼眼痛。	Eason站在高台上演出，令他膽顫心驚。	一眾新人王興奮牽手合照，粉碎不和傳聞。
身穿低胸背心的王菀之被圍訪，場面熱鬧。

唔信楊千嬅有喜

成功冧莊「全球勁爆歌手」的祖兒感恩說：「都係大家愛錫我，出道成12年，呢個世界有付出就有收穫。好多人問我，去頒獎禮會唔會好悶？我好鍾意熱鬧，當去派對！（阿詩嚟係咪開心？）佢咁做咪乖囉。」有「吹神」之稱的Eason大吐苦水，力數壓軸升降台危機處處：「綵排時已覺得個台好搖，根本就唔應該用交叉形，係要用四支撐住，明白香港做嘢比較趕，但細節都好緊要，大吉利是跌咗落嚟點算？」

Eason表示曾向工作人員了解：「佢答我安全，我同佢講踩鋼線都安全o架！我係有少少寸，喺度同佢講聲對唔住，不過谷咗成日令我慶慶哋！」他又否認明年不再參與頒獎禮之說：「我話想放假啫，冇話唔做。」Eason又透露收到好友楊千嬅短訊，問到是否報喜？他說：「知佢放緊假，冇可能有喜唔同我講。」

Amusic自動棄權

此外，對於Amusic食白果，身為新城娛樂及製作總經理朱明銳說：「係佢哋自動放棄，話冇期出席。（爭唔到大獎？）唔關事，未傾獎已經話冇期。」

採訪：音樂組