何思諺佗B開工 唔認幫補奶粉錢

「陽光妹」何思諺（Leanne）多月前與樂隊Mr.成員阿Tom結婚及懷有身孕後，已停工安心養胎，懷有近六個月身孕的她鮮有公開露面，但本來已停工的她雖然未有接幕前工作，但因早前答應為公司的模特兒Afa執導短片，故秘密佗B開工，並且親自監場。

純為興趣

早前Leanne身穿大碼冷衫，頭戴帽及着平底鞋，現身土瓜灣為該短片開工，身形明顯比以前圓潤，期間她顯得小心翼翼，更不時摸肚，在場的工作人員亦對她照顧有加，特地為她買來零食。貪靚的Leanne直言懷孕後胃口比之前大，笑言因此擔心會肥，故面對鏡頭時顯得不太自然。

何思諺拍短片時親力親為，在場指導師妹。

何思諺與阿Tom結婚後，一直過着幸福少奶生活。（資料圖片）

自她與Tom結婚後，曾有傳兩人經濟出現問題，Leanne再次澄清傳聞，表示今次工作並不是為幫補奶粉錢，她說︰「呢個工作係之前接落嘅，加上係幫自己公司手去拍短片，自己好有興趣，仲可以消磨時間。」談到現時的情況，她坦言佗B後未有嘔吐情況︰「我冇嘔喎，而且呢排好鍾意食缽仔糕，體重當然有增加啦！」她又指家中大小事務已交給老公處理，希望可以養好身體迎接兩人的BB。

唔覺辛苦

此外，Leanne透露雖然每日拍足十多個小時，但精神狀況撐得住，她說︰「可能之前瞓得夠啦，今次嘅工作我唔覺得攰同辛苦。」

文：專案組