李治廷煮飯唔洗米 阿媽彈難啃
歌手李治廷（Aarif）於聖誕節舉行歌迷聚會，與百名歌迷齊齊慶祝聖誕，並作近距離接觸，他除獻唱多首歌曲外，還與歌迷玩遊戲，其中一位歌迷勝出後更可親手餵Aarif食早餐，令歌迷樂個不停。
上京被嗌小龍
Aarif表示平安夜因剛從內地返港，故於家中與家人度過，並沒有出外慶祝。問到會否煮飯予母親品嘗？對炒飯甚有心得的他表示：「炒飯都唔錯，可能整臘腸炒飯畀佢食，好好食o架！但始終都係媽咪煮嘅最好食！」他又直言母親曾大彈他的手勢，更大爆自己當年第一次煮飯時沒有洗米！
當日Aarif準備了海報，並於一些海報上寫上祝福語，抽中的歌迷猶如中六合彩一樣興奮大叫！而獲選最佳打扮的女歌迷，則獲得Aarif的童年照作獎品，他叫對方好好珍惜。Aarif最近忙於為新戲宣傳，要中港兩邊飛，他謂暫時已做妥宣傳工作，他說：「都幾開心，喺北京宣傳時原來觀眾有睇過我其他戲，仲大聲嗌我『小龍』！」
出埠無暇夜蒲
問到出埠工作時會否出外夜蒲？他說：「冇時間，食餐好嘅都難，一起身就做嘢，做完嘢又返去瞓。」他謂最近專注做音樂，之後可能會到內地拍戲。
文：音樂組