阿Sa年吸3千萬人仔打入五大
80後藝人賺錢能力不容小覷！有內地傳媒應2011年選出十大30歲以下娛圈富豪，27歲內地超女李宇春以年收入5,110萬人民幣（下同）成為「首富」，香港就以29歲的蔡卓妍（阿Sa）最威水，吸金3,080萬排第5，28歲方大同則打入第10位。
年近歲晚，有內地傳媒統計30歲以下藝人收入，並選出十大圈中富豪。人氣強勁的李宇春每場商演叫價80萬，加上今年拍了電影《龍門飛甲》和廣告，結果出道6年終以年收入5,110萬榮登80後藝人首富，取代因超齡而被out的上屆榜首范冰冰；第2位是收入4,667萬的27歲張靚穎，第3位是28歲台灣組合S.H.E成員Hebe（田馥甄），單飛發展的Hebe狂賺4,250萬，比去年排名上升一位。
方大同攞「尾」彩
香港藝人方面，只有阿Sa和大同打入十大，坐擁2億身家的阿Sa，連續2年榮膺香港青年富豪榜首，她今年拍了逾10個廣告，再加Twins巡唱、商演等，雖比去年賺少近500萬，仍瘋狂吸金3,080萬進佔第五位。富婆阿Sa接受本報訪問時哈哈笑說：「承讓承讓，唔係啩，真係好驚喜，我會繼續努力。」以2,350萬排第10的大同說：「冇諗過自己搵幾多錢，財政交畀媽咪搞，今年的確馬不停蹄做巡唱，工作好豐富。」
Sa爸暗示收厚禮
投資有道的阿Sa已坐擁5個物業收租，去年豪擲港幣2,000萬元購入跑馬地逾1600呎複式單位送給媽咪，原來Sa爸亦有禮物！他昨接受電話訪問時笑說：「入五強咁叻女？（有冇送樓畀你？）我唔講，總之佢好公平！我生日佢送褸，送乜畀我都開心。」至於其他榜上有名的藝人包括：內地女星楊幂以3,596萬排第4、蕭敬騰以2,717萬排第6，前Super Junior成員韓庚以2,620萬排第7，第8位是賺2,510萬的楊丞琳，第9位是賺2,440萬的王珞丹。
文：音樂組