張繼聰新思維唱好大愛
張繼聰（Louis）將五次元新思維帶入音樂推出新碟，宣揚「大愛」訊息。談到五男組合的幕後班底，於製作過程盡顯心靈感應，放低自我擦出「愛」火搞曖昧。
Louis以五次元新思維作音樂概念推出新碟《5+》，從專輯內到外分享他研究多時的新時代，一個充滿分享與大愛的世界，他說：「唔係要宣揚啲咩，只係希望透過音樂提供一啲知識畀有興趣嘅人。」提到早前決意改變宗教信仰，Louis就言未有擔心被指摘，他說：「以前係天主教徒，我依然相信每個信仰出發點都係愛，依家都有返教會，研究五次元只係改變嘅導火線。」
出碟唔一定為錢
有別一般唱片，Louis在碟後收起鳴謝名單，反而列出有關五次元書籍註解，繼續向另類音樂進發，Louis感激公司支持，他說：「出碟唔係唯一搵錢嘅途徑，事實上download潮好難去改變，咁咪喺第二啲地方度賺錢囉，都唔擔心嘅。」唱片中Louis聯同Jerald合作，兩人放下主觀擦出火花，而填詞的梁柏堅與小克更心靈相通合寫歌詞，他說：「其實得意之餘都幾曖昧o架，合作之中喺Jerald身上學咗好多嘢，亦有機會從另一個角度去睇自己嘅音樂，有從新認識自己嘅感覺。」
髮型：Jobby@HairR
化妝：Anny Chak
服飾提供：bauhaus
文：音樂組