陳庭欣張秀文 反傳統興住過
聖誕佳節將至，在這充滿浪漫氣氛的節日中，同屬「單身貴族」的陳庭欣與張秀文就決意打破傳統，兩女除相約齊齊食中式聖誕大餐外，更打算於聖誕玩「熱辣辣」燒嘢食，實行來個反傳統過節！
聖誕節向來被標籤為情侶最浪漫的節日，更是不少女孩子存有無限美麗幻想的一個重要日子。不過，卻被兩個「唔識趣」的港姐陳庭欣（Toby）及張秀文（Sammi）破壞得「體無完膚」，兩位「單身貴族」一提及聖誕節會否找情人度過時，即你一言我一語，Toby說：「其實點解聖誕節係浪漫呢？我覺得應該係溫情，應該係family day喎！」而在旁的Sammi亦謂一大班人過會開心啲，二人更齊齊相約大擦中式聖誕大餐或BBQ，Toby亦勁buy說：「我往年同屋企人都係食中式餐，所以今年都會『反常』一吓，可能去打邊爐，或者食大牌檔，其實節日都係想畀個藉口去聚埋一齊啫！」
事業健康都重要
二女又強調不會因單身而感到分外寂寞，Sammi又笑說：「其實有情人嘅話過咩節都開心o架啦，（清明？）一齊去拜山都可以好sweeto架！」問到聖誕願望時，事業還在起步的二人不諱言希望能於工作上取得更好成績，不過Sammi卻感嘆謂：「我最希望係家人都身體健康，因為最近嫲嫲身體唔好，令我更加明白屋企人嘅重要性。」
送禮畀人鍾意DIY
提及難忘的聖誕禮物，Sammi說：「我好鍾意親手整嘢送畀朋友，以前會整立體聖誕卡同埋曲奇餅。」而Toby就表示自己曾嘗試織頸巾，惜最後卻爛尾：「我由春天已開始織，但織咗幾個月變咗地氈咁硬，所以最後放棄咗！」
文：影視組