陳潔儀enjoy演出懶理賺蝕
來自新加坡的歌手陳潔儀及音樂監製趙增熹將於明年二月在港舉行演唱會，《娛樂onShow》即時邀請他們接受訪問。雖然兩人今次自掏腰包做老闆，但對賺錢與否不太擔心，最緊要是投入演出。
陳潔儀（Kit）將於明年二月舉行演唱會，由著名音樂人趙增熹擔任監製。緊貼潮流的《娛樂onShow》日前邀請二人接受主持人周吉佩訪問。原來Kit與阿熹十幾年前已合作音樂劇《雪狼湖》。今次兩人齊齊做老闆自資搞音樂會，Kit坦言盡量專注表演，不會經常諗錢銀問題。她說：「如果仲係諗住嗰啲嘢，咁你點樣去投入？因為喺個台上，最緊要係我要佢嘅音樂，佢要我嘅表演，所以我哋都唔會去諗住賺錢。」
趙增熹琴技出色
阿熹亦表現淡定，因為經驗告訴他，多數都不會蝕錢。他笑謂：「我上次同阿Kit出嗰隻碟都唔使蝕！嗰隻碟原本打算蝕大錢，但係最後賣得非常之好，喺香港賣過萬隻。」
早前兩人在「分子音樂盛宴」合作，大家都互笠高帽有讚冇彈。Kit大讚阿熹每次彈琴都很自然又有準備。阿熹則以「完美」來形容Kit的天籟之音：「嗰次尤其係第二晚演出，真係一個完美嘅表演，我唔知點樣評分，嗰種享受同開心係唔能夠形容！」
文：專案組