Rosemary先結婚後生仔
名模Jocelyn Luko與老公Anthony昨日出席慈善活動宣傳，她表示該活動就如港版《The Amazing Race》，並將與Rosemary、Cara G.等名模組成名人隊參賽。
Rosemary坦言：「我一陣就搭飛機，同男友一齊去洛杉磯同墨西哥過聖誕。特登嚟支持Jocelyn，下年都想去探訪佢哋喺尼泊爾嘅學校。」問她可打算生兒育女？她謂都希望生小朋友，但首要條件是先結婚。她續說：「男友個妹都生咗兩個小朋友，今次返去會帶佢哋去主題樂園，又買咗好多玩具畀佢哋。」另外，她表示自己主演的音樂劇於菲律賓、馬來西亞等地獲得好評，令她十分高興。
而Cara G.則與男友Jesper及愛犬Roxy一同撐場，問到她有份參與的Duran Duran MV《Girl Panic》，因含女同志激吻等場面而遭英國電視台禁播，Cara表示不知情，但卻笑言：「可能咁樣有話題性，可以引起更大回響呢！如果劇情需要，我都唔會介意嘅。」
