阿嬌等真愛唔敢求其
鍾欣桐（阿嬌）將於平安夜率好姊妹兼拍檔蔡卓妍出席廣東道倒數，阿嬌前晚出席網站頒獎禮透露十年前亦在同一地方參與同一活動，問到酬勞是否同樣十級跳？阿嬌說：「唔知，要問公司，一向唔多理。（唔睇糧單？）睇咗未必記得。」
鼻敏感少夜蒲
阿嬌笑指年紀大，平安夜倒數後會急急返家休息，問到浪漫佳節想不想有男友陪？單身已久的阿嬌表示未有人追，亦未遇到心儀對象，她說：「同朋友過都開心。（唔想拍拖？）如果求其咁揀一個，咁不如唔好拍拖。（復出後冇人追？）冇呀，我亦冇追人。」問到如遇到心儀對象會否作主動？她說：「都未遇到。」
同場的周柏豪坦言有鼻敏感故甚少夜蒲，他說：「入咗行更加保護自己。（試過飲醉？）未去到斷片，雖然個腦清醒，但控制唔到行為。（攬女？）咁又唔會。」喜歡駕駛的柏豪表示不會醉酒駕駛，他說：「所以我好少飲酒。」
採訪：音樂組