周柏豪拖三美開餐 告別Dry爆聖誕

周柏豪、連詩雅（Shiga）、楊愛瑾（Miki）和董敏莉（Monie）日前難得聚首，相約狂擦聖誕大餐，當四人見到燒火雞、芝士焗龍蝦、聖誕蛋糕及聖誕曲奇等佳餚，即時食指大動，暫時將「肥胖」兩字拋諸腦後，相當搞笑。

談入行前一吻

對於今年有三美相伴擦大餐，柏豪滿意地說：「其實聖誕節做嘢有好處，就係影嘢時有得食大餐，今年唔Dry，有好多靚女陪我，但我好怕送聖誕禮物及手信，因為驚唔啱人哋心水。」談到難忘聖誕節，柏豪則表示入行前，試過和女朋友拖手睇聖誕燈飾，情到濃時兩人還深情互吻，但很久已沒再試過了。

Miki表示聖誕節會與家人開Ｐ。	Shiga透露自製小禮物送人。	柏豪和Miki、Shiga和Monie今年各有計劃。

預告大搞派對

Miki透露今年聖誕節會同家人歡聚，並舉行派對，至於有否邀請男友出席？她只說：「全部都係朋友，有男有女，我諗到點樣打扮，但唔可以透露。（最想收乜嘢聖誕禮物？）其實係一份心意，就算寫張聖誕卡送畀我都好開心。」

Shiga透露於Boxing Day全女班度過，她說：「我自製小禮物同聖誕曲奇送畀朋友及同事。」Monie就狂呻今年要過寂寞聖誕，因為男友離港公幹，惟有當「小別勝新婚」。

採訪：戶冊平　場地：皇家太平洋酒店@尖沙咀

服裝：on周柏豪：Junya Watanabe，on連詩雅：Katie Judith，on董敏莉：5cm，on楊愛瑾：Royal Party

髮型：@周柏豪：Cliff Chan@Hair Corner，@連詩雅：Ritz Lam@Hair Corner，@董敏莉：Hanson，@楊愛瑾：Linfa @IL Colpo