謝安琪邀Kary睇騷碎不和

憑《囍帖街》爆紅的Kay，近年被負面新聞拖累，最近更有傳在環球唱片內失寵，甚至被新加盟的吳雨霏（Kary）搶去一姐地位。不過，Kay依然獲新娛國際力撐，明年1月為她在紅館開騷，早前更揼本30萬在無綫賣廣告谷飛，又請到一班猛人助陣撐場。Kay說：「好開心請到國際級音樂人安娜維多唯契、孫穎幫手，加上之前自己睇完《梁祝》，對現代舞好有興趣，所以跟香港舞蹈團首席舞蹈家蘇淑學跳現代舞，喺演唱會上會合作一part。」Kay唔擔心個唱藝術性太高，相信粉絲能夠接受。

對於有傳Kay在環球失寵，連演唱會記招都冇公司代表出席，她澄清與公司合作愉快，當日雖然環球高層黃劍濤（Duncan)事忙沒有現身，其實還有兩位公司同事出席。不過，日前環球搞聖誕派對，Kay亦沒有出席，她說：「因為有嘢做，唔出席唔係乜大事。」

Kay曾在微博上載跟Kary的搞鬼合照。	張繼聰細心聆聽戲劇大師毛俊輝的指導。	著名琵琶高手孫穎將會跟Kay合作。

張繼聰排音樂劇

至於傳聞Kary搶走她的一姐地位，Kay卻懶理閒言，坦言己邀得Kary睇騷，因此二人不存在你死我活的鬥爭，更對她轉投環球衷心感到開心。

此外，Kay的老公張繼聰前日跟謝君豪綵排戲劇大師毛俊輝的音樂劇，在劇中分飾幾角的張繼聰，在排練時劇本不離手，還記低導演的評語做筆記，表現專業。

文：音樂組