陳浩民護苗捐款拖住先
陳浩民醉攬陳嘉桓後，曾揚言會捐款予護苗基金「贖罪」，護苗創辦人蕭芳芳昨日出席活動時，坦言對事件十分關注，而基金發言人則直指陳浩民的捐款未到位，甚至未曾聯絡過該機構。
陳浩民於橫店醉攬陳嘉桓事件後，為表示誠意及悔意，在本月十五日於本報刊登「公開道歉聲明」，更於聲明中揚言會捐款予護苗基金，以告誡並加強自己不再犯錯之決心。
望帶動捐款風氣
護苗基金創辦人蕭芳芳昨日出席活動時，透露十分留意此事件，當被記者追問陳浩民捐了多少錢？她即打趣說：「我等你問呢條問題好耐啦。聽聞唔知咩事，都聽聞你哋畀咗好多壓力。」問到有否收到他的捐款？芳芳即避重就輕，作狀問助手有否收到他的捐款。她坦言十分歡迎任何有善心的人士捐款，又開玩笑說：「其實冇被揭發嘅人太多，如果個個冇被揭發嘅人都捐，咁我哋就發達！希望由佢（陳浩民）帶動捐款嘅風氣啦。」
活動後記者再三追問護苗基金發言人有關陳浩民捐款事宜，他們坦言暫時尚未收到捐款，而對方亦未曾主動聯絡過機構。問到會否為他設定捐款期限？他們表示：「呢個只係捐款，我哋係唔會設任何期限嘅。」
冼國林信不食言
對於被指未捐款，身在橫店拍劇的陳浩民強調只是時間問題：「唔係聽日就後日，講過捐就一定捐！我已經做咗爸爸，要做榜樣畀囡囡睇。」而受害人陳嘉桓則透過母親兼經理人Ronnie回應指不清楚，事件已交由冼國林師傅處理。至於冼國林師傅，則相信浩民不會食言：「因為件事牽涉好多中間人，相信只係時間未配合到。」據知，浩民與馬德鐘同樣會捐出三十萬予不同慈善機構。
文：名人組