監製責難當事人 唔會有下次
對於娥姐遲到犯眾憎令到冇乜脾氣的輝仔都要爆發一事，監製關永忠昨在電話稱輝仔從來冇發脾氣：「輝仔個人有啲修養，佢係早入行嘅演員，識得忍。至於個別人嘅問題，即係商天娥件事，我已經處理咗，佢亦應承我冇下次，我亦同大家講番個廠規，各人如要行開行埋都要講聲，唔好搵人時又唔見！其實娥姐嗰日一早返咗嚟，但佢上咗公司八樓攞支票，佢可能同人傾多咗先遲咗落廠啫。」
由於輝仔與娥姐在劇中演夫婦，可會因二人面左左要改劇本？關永忠認為好戲之人不會將個人恩怨放在面上：「佢哋都好專業，我冇擔心，亦唔需要改劇本。（雪妮姐要求你寫她死？）好似有人同我講過，我已經第二次聽到，我會搵雪妮姐傾吓，安撫佢！」