楊紫瓊享受求婚唔怕被飛

昨晚Dior精品店裝修後重新開幕，特別請來國際女星楊紫瓊（Michelle）與品牌Managing Director Diego Menarin一起剪綵。Michelle表示近日馬不停蹄為電影《昂山素姬》到世界各地宣傳，已有三個月沒見過家人，故今天便會起程回馬來西亞與家人共度聖誕，而男友也會同行。

記者問到可會順道與男友傾談婚事？她即笑說：「實在太多嘢要忙，至少忙到出年四月套戲上映先有時間停一停諗一諗，（有冇同男友傾過？）佢有傾，我冇傾，我好曳，我好享受佢問我嫁唔嫁畀佢，佢每次都問得好有誠意。」

鑽戒	楊紫瓊笑言男友Jean Todt很錫自己，不怕對方變心。（資料圖片）

考慮婚禮地點

說畢她又大騷手上的鑽戒，說男友已送了戒指給她很久，記者笑她收了戒指又不嫁，男友豈不很失望？她笑着說：「我冇話唔結，不過考慮緊點結，要諗喺邊度搞，可能唔止一個地方搞，諗到好頭痛。（驚唔驚男友放棄？）我諗唔會，佢咁錫我。」此外，對於無緣憑電影《昂山素姬》入圍金球獎最佳女主角提名，她坦言今年競爭很大，有機會「攝」到位置已是一個奇迹。

桂綸鎂自認小女人，不是野蠻女友。

Diego Menarin剪綵時輕吻Michelle玉手。

桂綸鎂唔野蠻

而同場的桂綸鎂就穿着貼身肉色連身裙現身，提到在電影《龍門飛甲》中飾演野蠻公主，哪現實中可是野蠻女友？她笑說：「我唔覺得自己係，我喺男友面前都幾小女人。」問到與男友有否結婚計劃？她謂暫時未有，因明年已接到很多電影劇本，希望可以有更多驚喜作品帶給觀眾。

文：名人組