張智霖經典辣跑出巡
張智霖（Chilam）與太太袁詠儀（靚靚）一直恨生女，仍在努力造人中的Chilam未有「女」湊，惟有寄情玩車。日前他出動甚少曝光的經典車王、第一代日版MR2古董辣跑招搖過市，與好友到灣仔食飯。
Chilam與靚靚自誕下兒子張慕童（魔童）後，二人一直想為魔童添個妹妹，早前靚靚突然推掉新劇《女警愛作戰》即傳出有喜，日前她帶埋囝囝及女友人於銅鑼灣超市掃貨，活潑的魔童全程紮紮跳，當靚靚揀選海鮮及蔬菜時，兒子突然跑往凍肉貨架前，女友人則代為照顧他，靚靚其後購下大袋餸菜便與魔童乘車返家。
日版MR2 89年出產
至於經常在寓所附近練跑的Chilam，日前又外出跑步，問到靚靚再傳有喜時他笑說：「佢大肚？唔係，佢有咗我冇理由唔知！生BB順其自然啦。」而屬愛車一族的他，於晚上8時駕駛其甚少曝光，價值約十萬元、於1989年出廠的第一代日版MR2經典跑車灣仔出巡，其辣跑還配上「MR」字頭車牌，十分搶眼，連泊車員看到Chilam駕愛車到場，亦上前研究一番。
文、攝：追蹤組