古天樂做毒犯打住過節

古天樂昨擔任鞋店開幕嘉賓，鑑於店舖中央有一條巨型木柱，令古仔拍照及介紹產品時要分左右兩邊進行，結果每次都要重複解說，但識做的他仍大讚設計獨特：「走嚟走去唔攰呀！我屋企都好多木嘅設計，多條木咪可以用嚟掛嘢囉！」

聖誕將至，古仔透露將赴冰天雪地的天津拍攝新片：「嗰度零下幾度，都會帶定啲禦寒衣物去，最想嗰度落雪，過一個白色聖誕。」飾演毒犯的他，將與孫紅雷及任達華等鬥戲連場，問他會否擔心拍攝追逐戲時再弄傷腳？他說：「問過醫生，都唔擔心嘅！（有冇打戲？）畀人打嘅多！哈哈！」