千嬅凸肚孖老公逛家品店

懷有三個月身孕的楊千嬅，雖然已全面停工，但依然節目多多，四出行街。昨下午約三點半，她與老公丁子高及兩位助手，一齊逛中環太子大廈一間高級家庭用品。着上黑色羽絨、刻意遮肚的千嬅，以素顏示人。她與老公在店內不停睇杯碟，還不時用心聽店員推介，當發現記者時，其助手即走出店舖，向記者解釋，千嬅今次買杯碟是開派對之用。

眾人在店內逗留約十五分鐘，千嬅離開時即戴上墨鏡，被問到是否買杯碟，她說：「嚟睇吓，我自己一向鍾意儲杯碟，屋企都有不少。（今次係咪買嚟開派對？）唔係，都冇派對，平時自己鍾意買。」說完拖着老公離開。另外，昨日是千嬅與丁子高擺酒一周年紀念，網上獲不少朋友及fans恭賀。