黃宗澤唔信女友畀人搶
對於女友胡杏兒被爭邀拍劇而引發老闆爭風呷醋一事，黃宗澤（Bosco）昨日在電話中說：「我冇聽聞過！大家做演員，都係為工作，我覺得唔關事囉！」至於有指他擁有半億身家，又帶杏兒睇3千萬豪宅，他對此笑說：「太誇張！自己投資餐廳都係小股東，因為怕有風險，所以買四層樓當投資收租穩陣啲！（咁係咪買樓畀杏兒？）等我滾大啲先！（買戒指求婚?）未有計劃，只係shopping睇吓啫！」
而Bosco前晚出席電影《Laughing Gor之潛罪犯》，雖然杏兒有工作在身，未有親臨捧場，但同片演員仍然不放過機會把二人戀情擺上枱，穿上黑色恤衫的Bosco，被吳鎮宇妙問為何配上尖尖的衫鈕，Bosco笑指是防女恤衫，轉數快的鎮宇即取笑是「貞操恤」，引得哄堂大笑，大會為配合劇情，安排一眾演員扣上手銬，貪玩的Bosco向同場的徐子珊扣上，子珊即着他扣杏兒，令Bosco忍不住謂：「其實佢冇份做，唔使成日提佢。」