天華遭Niki喪鬧勁甩嘴

周麗淇（Niki）、謝天華昨日為劇集《女警愛作戰》拍攝，劇情講述二人乃鬥氣冤家。拍到鬧交戲時，天華明顯不夠Niki鬥，甩嘴及忘記對白，事後天華笑言：「呢啲角色啱晒佢，佢真係喪喪哋，Niki其實幾有喜劇細胞，我第一次同佢合作，第一日開工已好有感覺，嗰種默契從未試過咁快，（你把嘴都唔夠佢嚟?）我哋係嗌吓嗌吓嗌出火花啫！」劇中天華更勸Niki勿與由高鈞賢飾演的表弟搞「姊弟戀」，問Niki會否介意姊弟戀，她謂：「我未試過，唔知係點，不過最緊要大家溝通到，數字、身形、財富同年齡都不是最重要，至緊要有內在質素。」
周麗淇及謝天華在劇中有不少鬥嘴戲。
周麗淇及謝天華在劇中有不少鬥嘴戲。

望成螢幕情侶

此外，天華早前奪得優酷「年度港台地區最佳男主角」獎，問Niki有否「屈」對方一餐時，Niki謂：「就算佢冇獎我都已經食咗佢一餐，因為之前介紹咗本書畀佢，不過之後都可以補番食餐大嘅！」天華聞言笑謂：「食飯日日食得，日日都一齊開工。」二人更合拍地表示之後劇集出街，大可組螢幕情侶檔搵銀，齊齊接show、出唱碟及登台。

二人希望未來可組螢幕情侶搵真銀。
  • 二人希望未來可組螢幕情侶搵真銀。
鏡頭下的Niki及謝天華相當投契。
  • 鏡頭下的Niki及謝天華相當投契。