樂壇前輩尹光日前拍攝新歌《Mr One》MV，MV中他以多個不同造型出現，包括有華麗歌王、背心街坊及黑超hip hop look，導演為營造尹光是萬人迷，更移師到酒吧取景，請得多位年輕貌美的模特兒客串（圖）。問尹光和妹妹仔合作是否特別開心？他反應冷淡說：「又冇喎，我成日都同啲後生女合作㗎啦，（好艷福無邊？）工作還工作，我唔會諗呢啲嘢。」
尹光又謂將於明年1月12、13日舉行演唱會，主力唱其經典流行曲，問他可會再添食？他說：「唔會啦，我習慣每年開粵曲、流行曲演唱會各一次，開嚟主要都係留住啲fans，開得太多次就唔好。」
