徐淑敏唔停口 糖妹食到喊
索媽徐淑敏（Suki）最近以師姐身份率領糖妹和無綫女藝員丁樂鍶主持甜品節目，正所謂「三個女人一個墟」，Suki表示個幾月來食過500件甜品。糖妹更要淺嘗她最怕的榴槤，笑言食到標眼水！
徐淑敏、糖妹和丁樂鍶（丁丁）最近合作主持《甜姐兒》，介紹本港甜品美食，三女無甜不歡，難怪愈吃愈胖！身為人母的Suki表示，該節目完全阻礙了其修身大計，就連老公黃浩也指她身形「爭啲」，她又說：「我哋拍咗咁多集，走勻近100間甜品店，每次試食3件，個幾月大家差唔多食咗500幾件甜品。」
讚師妹表現好
談到與師妹糖妹和丁丁首度合作，Suki大讚兩人表現不俗：「我之前做嘅節目，一係同男人做主持、一係要好高貴，難得今次可以好嘈，都開心嘅。」糖妹表示本身怕吃榴槤，但拍攝時難免要淺嘗，她笑言吃到標眼水：「其實我幾鍾意做飲食節目，希望下次同佢哋主持《鹹姐兒》。」
丁丁中央肥胖
三個甜姐兒中，身材最高的丁丁得天獨厚，她說：「我唔肥塊面，但就『中央肥胖』，我問過Suki意見，要做運動及盡量食少啲，試過以甜品做正餐，但搞到個人好暈。」問到擔任主持有何感覺？丁丁說：「開頭幾唔慣，我覺得可以再做好啲，好開心同糖妹及Suki有默契，佢哋好照顧我。」
採訪：戶冊平 攝影：沈健程
化妝：Tiffany Fong 服裝：Collect Point