Crystal增肥放縱擦甜品

HotCha成員Crystal嗜食甜品,加上正藉增肥之時,故可盡情品嘗各式甜品。日前她就試食某日本麵包餐廳的鎮店招牌食品,包括焦糖杏片包、三味芝士迷你包、小倉(紅豆蓉)迷你包、朱古力雲呢拿Mousse蛋糕,還有凍抹香綠茶等。

Crystal坦言不太愛食朱古力,因怕太甜,但這個朱古力蛋糕卻是例外:「以前食嗰啲朱古力蛋糕唔係太甜就太苦,但呢個就唔太甜,好合乎我少甜嘅要求,但佢啲朱古力味好濃,食完都有陣好濃嘅朱古力味,同埋啲Mousse好滑,好有口感。」她說值得一讚是,蛋糕推出迷你版,可供一人享用,免卻「眼闊肚窄」的煩惱。

而愛食酥皮撻的Crystal,特別推介焦糖杏片包,她謂:「我好鍾意食鬆化嘅餅,呢個包嘅軟硬度啱啱好,好香焦糖味。」至於三味芝士迷你包,Crystal就被其可愛的外形吸引,她謂:「呢個有濃濃嘅芝士味,佢外表好得意,成個立體正方形咁,係3D版西多士,我好鍾意食麵包,所以呢款我最like,最啱啲情侶一齊食,你一啖,我一啖,好鬼sweet。」

場地:BO-LO'GNE@海港城LCX