無綫花旦小生湯盈盈、蕭正楠及王祖藍前晚出席明珠台活動，對於被指停牌期間揸車拍劇，盈盈再度否認：「朋友都戥我慘，但我認為自己之前醉駕係錯，依家搞到咁大件事都只可怪自己。（坐喺司機位已經犯法？）律師話只要唔撻匙就唔算，所以鬆一口氣。」聖誕將至，盈盈透露並非與緋聞男友錢嘉樂共度，會與從外國回港的婆婆辦「齋P」，不過她說其他朋友冇興趣。
至於蕭正楠透露將為新劇獻出「處男光頭」，並赴橫店拍攝，他說：「都知嗰度之前有藝人因為醉酒出事，我會留喺房搵嘢消遣，加上今次係黎耀祥帶隊，好安心。」
