丁子高街頭報喜想生夠4件

楊千嬅丈夫丁子高昨日以剪綵嘉賓身份，出席香港舉行的《TUDOR全新專門店開幕酒會》，同場還有模特兒Ana R.及鍾嘉欣等。有傳快為人父的他全程笑不攏嘴，對於連串恭喜，他說：「未，如果開心事梗係會親口講。（未夠三個月？）未講到，未得，唔知點解未得，如果有好消息我都恨不得喺條街度大叫我係爸爸。（幾時講得？）慢則我唔知，快則可能好快。」被問到可養多少個？他說：「兩件、三件、四件，一男一女好字最好。（有一邊啦？）真係未知。（有兩件？）唔知，只想佢休息吓。」

Ana R.習慣單身

有傳千嬅會到北京宣傳新片並獲老闆以私人飛機接送，丁子高說：「我都會盡責任陪佢去。」

而鍾嘉欣表示未有恭喜對方，她說：「自己都想好似佢哋咁成日咁甜蜜。愛情努力中，忙拍劇唔覺有人追。」

另外，Ana R.透露與男友Mr.R已經分手，分手原因是自己經常到外地工作。幸好自己習慣單身亦不會太想對方。她笑言之後會到新加坡，友人會介紹男仔給他。