「爆E」Iris自製酒凹：唔想似超蓮
寇鴻萍女兒唐貝詩的「斷背」好友「爆E超蓮」鍾采羲（Iris），擁有魔鬼身材的她，也要「後天加工」，她承認在口腔內埋線，為面頰打造「人工酒窩」，增加甜美感覺，向正版何超蓮再邁近多一步，但Iris說：「我唔想似超蓮架！」
現年24歲的o靚模Iris，出道以來被指貌似何家淑女何超蓮，加上擁有35E逼爆上圍而被稱為「爆E超蓮」，雖然憑此花名上位，但私底下Iris經常向人透露不想似超蓮，希望改變形象，更謂不介意整容變身。
無意隱瞞整容
敢作敢為的Iris，日前與助手在銅鑼灣行街撞見記者時突然變得超級驚青，甫見記者以手遮面，繼而出動口罩遮樣，一度更想急步離開，及至避無可避，Iris終於停低腳步。問到發生何事，她先是支吾以對，繼而吸啖大氣後除低口罩直認「整容」，成為繼何佩瑜認隆胸後又一o靚模認後天加工，她說：「既然都畀你哋撞到，我都唔想避嘞，做得出唔怕認，我覺得刻意隱瞞好老土，認整容都冇乜大不了。」
Iris直言兩個多星期前，在左右面頰各整了一個人工酒窩：「係呀，我由細到大都覺得有酒凹好靚、好sweet，依家有呢啲科技，整咗之後玩厭咗又可以拆，咁試吓都唔怕啦！」她說整個手術過程歷時四十五分鐘，於口腔內側埋線，麻醉過後傷口如同剝智慧牙般痛，並且腫了數天，連進食也有困難。
唐貝詩都讚靚
雖然手術過程辛苦，幸好Iris對效果滿意，更透露身邊不少朋友都有讚她比以前更靚，至於媽咪則眼甘甘望了她幾日才發現，而知道後亦沒有反對。
問到整容添甜美感覺是否想更似正版超蓮？Iris說：「都唔係特登要似邊個，但有酒凹就真係sweet好多，好多男仔都鍾意有酒凹嘅女仔架。（咁唐貝詩知唔知你整？）知，佢都話靚架！」
文、攝：追蹤組