周志文飛甩細孖單拖溝女

因參加《超級巨聲》出道的孖仔周志文及周志康樣貌似到十足，但性格則略有不同，大孖志文較活躍多言，細孖志康則斯文單純，志文說：「個樣都有分別嘅，我左邊下巴有癦，細佬就右邊下巴有癦。」提到一直「二人同行」，他們覺得是件好事，不介意繼續孖住拍戲及唱歌，只是每日都被認錯是對方，要多費唇舌解釋，問到可曾發生趣事？志文說：「讀書嗰陣搭車，有個陌生中年人係咁同我講嘢，原來佢係細孖學校嘅校工，我就聽到好多關於細孖嘅秘密喇！」

抗拒拍激情戲

提到早前參演的《潛行狙擊》及《法證先鋒III》獲讚，二人因此被打下強心針，並異口同聲希望拍感情戲，志康說：「睇戲見到啲愛情故事好浪漫，我都希望可以做主角感動觀眾！」志文即笑言為拍愛情片，不介意飛甩細佬，單獨上陣「識女仔」，至於會否想拍激情戲？他說：「嘩！咁又唔使，一步一步嚟，純情啲先啦！」

大孖（右）笑言為拍愛情片，不介意犧牲細孖。

志文（左）及志康享受兩兄弟拍住上，希望繼續齊齊拍戲及唱歌。

唔驚密照流出

志康早前與女友的合照被刊登，他直言二人拍拖兩年感情穩定，但想保持低調：「其實fans都知，我好緊張感情事影響到身邊人，好在女友冇唔開心。（驚仲有親密照流出？）唔擔心，因為冇！」至於單身的志文表示不羨慕細孖有拖拍，擇偶條件則是合眼緣。

文：立影　攝：黃叔榮

場地：REI日本料理＠ifc