衞詩拍拖1年有愛冇性
歌手衞詩（Jill）與現任男友Tim展開姊弟戀近一年，她直指彼此已視對方為結婚對象，雖然常要分隔異地，但依然深愛着Tim！至於她曾經吸毒的往事，男友不但不介意，更叫她繼續努力。
Jill與男友Tim拍拖只接近短短一年，但原來兩人已把對方視為結婚對象，Jill更大讚與阿Tim的感覺最好，她說：「我之前拍過四次拖，同阿Tim嘅感覺係最好！大家互相明白、互相支持，彼此信任，佢亦係我嘅結婚對象。佢曾經同我講想娶我，大家一齊唔係玩玩吓，我哋拍拖嘅目標係結婚！」雖然Jill比阿Tim大四歲，但她直言從來沒有介意過姊弟戀，Jill說：「冇介意過，因為愛情根本唔應該睇年齡，而係應該着重大家係咪可以平衡到。」
很大的考驗
Jill與男友Tim一個居於香港，一個居於美國讀書，常要分隔兩地，問她會否因為要經營異地戀而感到辛苦？Jill說：「唔辛苦！只要大家信任就得，有時分開仲好，因為可以睇到大家係咪真心愛對方，係一個好大嘅考驗。而且分開就唔使有咁多身體接觸，唔使發生性行為。」
不介意過去
雖然有假期時才可見到對方，但Jill心中仍然有平安的感覺，就如剛開始拍拖一樣如此愛對方，並謂遇到阿Tim是一個祝福。提到以前的吸毒事件，Jill說：「佢都知，但佢完全唔介意我嘅過去，佢講咗好多鼓勵嘅說話，仲話我走番出嚟好有勇氣！係一個好強大嘅見證，叫我繼續努力。」
文：林詠
場地：DNA